İsrail hərbçiləri Beyrut ətrafındakı “Hizbullah” təşkilatının obyektlərinə zərbələr endirməyə başlayıb.

“Report” xəbər verir ki, bu barədə ordu mətbuat xidməti məlumat yayıb.

Bəyanata əsasən, zərbələrin hədəfi Dahiyədə – Livan paytaxtının cənubunda “Hizbullah”ın silahlı qanadının 127-ci hərbi-hava bölməsinin obyektləridir.

Bundan bir qədər əvvəl İsrail ordusu hədəflərin yerləşdiyi rayonların sakinlərinə evlərini dərhal tərk etmək tələbi ilə müraciət etmişdi. İsrail sonuncu dəfə Beyrut ətrafına aprel ayının sonunda zərbələr endirib, o vaxtdan bəri yalnız Livanın cənub rayonları atəşə tutulub.

Daha sonra “Al Jazeera” telekanalı İsrailin qırıcı təyyarələr və dronlardan istifadə edərək Beyrut cənub ətrafına 17 zərbə endirdiyini bildirib.

Oxşar xəbərlər

İsrail ordusu Beyrut ətrafına yeni hava zərbələri endirib

İsrail Livanın cənubunda “Hizbullah” obyektlərinə kütləvi zərbələr endirdiyini açıqlayıb

KİV: İsrailin hücumlarından sonra Beyrut aeroportu yaxınlığında yanacaqdoldurma məntəqəsində yanğın baş verib

İsrail qırıcıları Beyrut hava limanı yaxınlığına zərbələr endirib

İsrail HHQ “Hizbullah”ın mövqelərinə zərbə endirdiyini açıqlayıb