Avropa İttifaqı (Aİ) Şurası Kiyevin zəruri şərtləri yerinə yetirməsindən sonra "Ukraine Facility" proqramı çərçivəsində Ukraynaya təxminən 2,8 milyard avro məbləğində yeddinci maliyyə yardımı tranşını təsdiqləyib.

Bu barədə "Report"un Avropa bürosu Avropa Şurasına istinadən xəbər verir.

Bildirilib ki, Ukrayna növbəti tranşın alınması üçün nəzərdə tutulan 20 tələbdən 11-ni yerinə yetirib, həmçinin proqramın əvvəlki mərhələlərindən qalan bir sıra öhdəlikləri tamamlayıb.

Bundan əlavə, Kiyev növbəti ödənişlər üçün planlaşdırılan bir neçə islahatı vaxtından əvvəl həyata keçirib.

Vəsaitlər "Ukraine Facility" - Aİ-nin 2024–2027-ci illər üçün nəzərdə tutulmuş və ölkədə bərpa, modernizasiya və islahatların dəstəklənməsinə yönəlmiş 50 milyard avrodan çox həcmə malik proqramı çərçivəsində ayrılır.

Əvvəlki, təxminən 2,3 milyard avro məbləğində altıncı tranş 2025-ci ilin dekabrında köçürülmüşdü.

Oxşar xəbərlər

Ukrayna Avropa Komissiyasından 3,5 milyard avroluq növbəti yardım alıb

Aİ Şurası Kiyevə 4,2 milyard avro məbləğində yardımın ayrılmasını təsdiqləyib

Avropa İttifaqı Ukraynaya büdcə yardımının növbəti tranşını köçürüb

Aİ Şurası Ukraynaya 4,2 milyard avro yardımın ödənilməsini təsdiqləyib

Avropa Komissiyası Ukraynaya 4,1 milyard avro ayırmağı təsdiqləyib