Fransa "Milli Birlik" partiyasının parlament fraksiyasının lideri Marin Le Pen 2027-ci ildə keçiriləcək prezident seçkilərində iştirakdan imtina etmək niyyətində deyil.

"Report" xəbər verir ki, o, bu barədə Yeni Kaledoniyaya (Fransanın dənizaşırı ərazisi) səfəri çərçivəsində BFMTV telekanalına açıqlama verib.

"Mən prezidentliyə namizədəm və əgər seçilsəm Yeni Kaledoniya ilə bağlı qərarların qəbulunda mühüm rol oynamaq üçün fransızların etimadını qazanacağam", - o bildirib.

Onun Yeni Kaledoniyaya səfəri burada baş verən iğtişaşlardan bir il sonra baş tutur. İğtişaşlar yerli seçkilərdə seçici siyahılarının genişləndirilməsi ilə bağlı Fransa qanun layihəsinə görə baş vermişdi. Nəticədə arxipelaqda 13 nəfər, o cümlədən 2 polis əməkdaşı həlak olmuşdu.

Oxşar xəbərlər

Le Pen Fransa prezidentinin siyasətini tənqid edib

Yeni Kaledoniya iğtişaşlardan sonra bərpa üçün Parisdən 4,2 milyard avro tələb edir

Sağçıların petisiyası: Marin Le Penə qarşı hökm Fransa demokratiyasının edamıdır

Marin Le Pen: Fransanın yeni hökuməti xalqın gözləntilərindən uzaqdır