“Milli Birlik” parlament fraksiyasının rəhbəri Marin Le Pen Fransanın yeni hökumətini “keçid hökuməti” və fransızların gözləntilərindən uzaq hesab edir.

"Sizinxeber.az"un məlumatına görə, o, bununla bağlı fikrini “X” sosial şəbəkəsində yayıb.

"Son seçkilərdə iki dəfə makronizmin yeddi illik imtina və uğursuzluq dövrünü pozmaq istədiyini ifadə edən fransız xalqı, bu axşam iyun ayında ifadə etdikləri təbəddülat və dəyişkənlik istəyindən uzaq, yenidən qurulmuş bir hökumət qarşısında qaldı", - o yazıb.

Siyasətçi vurğulayıb ki, bu hökuməti “keçid hökuməti” hesab edir. Onun fikrincə, bu, növbədənkənar parlament seçkiləri zamanı yaranmış “qeyri-təbii ittifaqlar"ın bağlanması nəticəsində yaranıb. "Biz Fransanın ayağa qalxmasına imkan vermək üçün çağırdığımız böyük dəyişikliklərə hazırlaşmağa davam edəcəyik", - siyasətçi vurğulayıb.

Eyni zamanda, Marin Le Pen yaxın vaxtlarda hökumətə etimad səsverməsinin mümkünlüyünü şərh etməyib.

Oxşar xəbərlər

Le Pen Fransa prezidentinin siyasətini tənqid edib

Fransız siyasətçi: Durova qarşı ittihamlar istənilən sosial şəbəkə rəhbərini həbsə atmağa imkan verir

KİV: Makron etimad səsverməsindən yayınmaq üçün müxalifətə güzəştə getməyə hazırdır

Fransanın sağyönümlü partiyası Makronu hədələyib