Rumıniyada prezident seçkilərinin ikinci turu üçün bütün məntəqələrdə seçki məntəqələri açılıb, bazar günü ölkə sakinləri növbəti beş il üçün dövlət başçısını seçəcəklər.

"Sizinxeber.az"un məlumatına görə, birinci tur mayın 4-də baş tutub və səslərin əksəriyyətini “Rumınların Birləşməsi Uğrunda Alyans” (AUR) millətçi partiyasının lideri Corc Simion 41 %, Buxarestin meri Nikuzor Dan isə 21 % toplayıb.

Saat 7:00-da (Bakı vaxtı ilə 08:00 - red.) Rumıniyada 19 minə yaxın seçki məntəqəsi işə başlayıb. Xaricdə yaşayan Rumıniya vətəndaşları üç gün ardıcıl səs verirlər. Onlar üçün mayın 16-da seçki məntəqələri açılıb.

Rumıniya qanunlarına görə, prezident seçkilərinin qalibi siyahılara daxil edilmiş seçicilərin yarıdan çoxunun səsini toplayan namizəddir. Seçki məntəqələri saat 21:00-da bağlanacaq.

Oxşar xəbərlər

Rumıniyada prezident seçkilərinin ikinci turu keçiriləcək

İfrat sağçı siyasətçi Rumıniyada prezident seçkilərinin birinci turunda qalib gəlib

Bu gün Moldovada prezident seçkilərinin ikinci turu keçiriləcək

Rumıniyada parlament seçkiləri keçirilir

Polşada prezident seçkilərinin birinci turu keçiriləcək