ABŞ Prezidenti Donald Tramp bildirib ki, Birləşmiş Ştatlar Qəzza zolağının sakinlərinə ərzaq yardımı etmək niyyətindədir.

“Sizinxeber.az” TASS-a istinadən xəbər verir ki, o, bunu Ağ Evdə jurnalistlərin suallarını cavablandırarkən deyib.

"Biz Qəzza xalqına yemək almaqda kömək edəcəyik. Qəzzada xeyli insan çox pis yaşayır. Amma biz Qəzza xalqına kömək edəcəyik, çünki HƏMAS onlarla çox pis rəftar edir", - Tramp əlavə edib.

Xatırladaq ki, martın 18-də İsrail ordusu Qəzza zolağında hərbi əməliyyatları bərpa edərək, kütləvi zərbələr endirib. Baş nazir Benyamin Netanyahunun Dəftərxanası bunu Fələstinin radikal HƏMAS hərəkatının vasitəçilər və ABŞ Prezidentinin xüsusi nümayəndəsi Stiven Vitkoffun danışıqlar zamanı irəli sürdüyü təkliflərdən imtinası ilə izah edib və əməliyyatın məqsədinin anklavda saxlanılan bütün girovları azad etmək olduğunu bildirib. Radikallar hərbi əməliyyatların yenidən başlamasında İsrail və ABŞ-ni təqsirləndiriblər.

Oxşar xəbərlər

KİV: Qəzzada bugünkü zərbələr nəticəsində 40-dan çox insan həlak olub

KİV: HƏMAS Qahirədə Qəzzada atəşkəs təklifini müzakirə edəcək

KİV: Qəzzada yaşayış binasının atəşə tutulması nəticəsində 7 fələstinli ölüb

KİV: Qəzzanın şimalındakı Cəbəliyə qəsəbəsinə hücum zamanı 30-a yaxın fələstinli ölüb

İsrailin Qəzzada hərbi əməliyyatları bərpa etməsindən sonra 320-dən çox uşaq ölüb