İsrailin Qəzza zolağının şimalındakı Cəbəliyə şəhərinə endirdiyi zərbələr nəticəsində azı 29 fələstinli həlak olub.

“Report” xəbər verir ki, bu barədə Fələstinin HƏMAS hərəkatına bağlı “Qüds” portalı məlumat yayıb.

Məlumata görə, bombalı hücum məcburi köçkünlərin məskunlaşdığı düşərgəni hədəf alıb. Portal iddia edir ki, günün əvvəlindən anklavda ümumilikdə 59 nəfər ölüb.

Xatırladaq ki, İsrail ordusu martın 18-də zolaqda hərbi əməliyyatları bərpa edərək, kütləvi zərbələr endirib. Beləliklə, bu ilin yanvarında yaradılmış atəşkəs pozulub. İsrailin Baş naziri Binyamin Netanyahunun ofisi bunu HƏMAS-ın danışıqlar zamanı vasitəçilər və ABŞ Prezidentinin xüsusi elçisi Steven Uitkoffun irəli sürdüyü təklifləri rədd etməsi ilə izah edib. O, Qəzzada əməliyyatın məqsədinin bütün girovları azad etmək olduğunu bildirib.

Oxşar xəbərlər

KİV: Qəzzada yaşayış binasının atəşə tutulması nəticəsində 7 fələstinli ölüb

İsrailin Qəzzada hərbi əməliyyatları bərpa etməsindən sonra 320-dən çox uşaq ölüb

KİV: HƏMAS Qahirədə Qəzzada atəşkəs təklifini müzakirə edəcək

Qəzzada bir gündə daha 45 sakin ölüb

İsrailin Qəzzaya son hücumları nəticəsində 15 nəfər ölüb