Papa Fransisk insult keçirib, komaya düşüb və ürəyi dayanıb.

"Report" Müqəddəs Taxt-Tacın mətbuat xidmətinə istinadən xəbər verir ki, bu barədə 88 yaşlı pontifikin ölümü ilə bağlı rəsmi tibbi hesabatda deyilir.

"17 dekabr 1936-cı ildə Buenos-Ayresdə (Argentina) anadan olmuş, Vatikanın sakini və vətəndaşı olan Fransisk (Xorxe Mario Berqoglio) həzrətləri 21 aprel 2025-ci il tarixində səhər saat 7:35-də Santa-Martadakı mənzilində beyin insultundan vəfat edib. Onda ikitərəfli multimikrob sətəlcəm, çoxsaylı bronxoektaziya, yüksək qan təzyiqi ilə kəskin tənəffüs çatışmazlığı epizodu baş verib”, – məlumatda deyilir.

Həmçinin bildirilir ki, pontifik 2-ci tip diabetdən əziyyət çəkirmiş.

Vatikanın sözçüsü söyləyib ki, Papa Fransisk cümə və bazar günləri arasında dəfn edilə bilər: “Qaydalar cənazənin ölümdən sonra dördüncü və altıncı günlər arasında keçirilməsini nəzərdə tutur”.

Oxşar xəbərlər

İki tərəfli pnevmoniya keçirən Papa Fransisk kəskin tənəffüs çatışmazlığından əziyyət çəkir

Fransisklə vida mərasimi aprelin 23-də müqəddəs Pyotr kilsəsində keçirilə bilər - YENİLƏNİB

Papa Fransisk Qəzzayla bağlı çağırış edib

ABŞ-nin vitse-prezidenti Papa ilə görüşüb

Papa Fransisk xristian ölkə liderlərinə müraciət edib