Ticarət müharibəsi hələ bitməyib, lakin bir çox ölkə ABŞ ilə ticarət razılaşmaları əldə etmək istəyir.

"Sizinxeber.az"un xarici KİV-ə istinadən verdiyi məlumata görə, bunu ABŞ Prezidenti Donald Tramp deyib.

Jurnalistlərin ticarət müharibəsi və ticarət danışıqlarına hazır ölkələrlə bağlı suallarını cavablandıran dövlət başçısı vurğulayıb ki, hələ heç nə yekunlaşmayıb, lakin Çin də daxil olmaqla, digər ölkələrdən çox böyük diqqət var.

Dövlət başçısı gömrük rüsumlarının artırılmasının səbəblərindən də danışıb. "ABŞ-yə münasibətdə dünya ticarətində baş verənlər dayanıqlı deyildi. Kimlərsə tətiyi çəkməli idi. Mən tətiyi çəkməyə qərar verdim. Bu, çoxdan edilməli idi", - dövlət başçısı əlavə edib.

Trampdan niyə 90 gün ərzində qarşılıqlı əsasda tətbiq edilən əlavə idxal rüsumlarını dayandırmaq qərarına gəldiyi soruşulub. "Mənə elə gəlir, tarif elanlarından sonra insanlar öz elementlərindən bir qədər uzaqlaşırlar. Onlar bir az əsəbiləşir, bir az qorxurdular, çünki qarşıda bizi çox iş gözləyir. Mənim etdiyimi başqa heç bir prezident etməzdi", - o, cavab verib.

Oxşar xəbərlər

Tramp Çinə ticarət rüsumlarını 125 %-ə qaldırıb

Avstriya XİN rəhbəri: Aİ Trampla tarif danışıqlarında güc nümayiş etdirməlidir

Prezident İlham Əliyev Azərbaycanın Ümumdünya Ticarət Təşkilatına hələ də üzv olmamasının səbəbləri barədə danışıb

Netanyahu: İsrail ABŞ ilə ticarət kəsirini sıfıra endirməyə hazırdır

Tramp: Gömrük rüsumları ABŞ-yə gündəlik 2 milyard dollar qazandırır