Ukrayna Prezidenti Volodimir Zelenski Ankarada ölkəsinin yeni səfirlik binasının açılış mərasimində iştirak edib.

“Report” Türkiyə KİV-ə istinadən xəbər verir ki, mərasimdə Ukrayna liderinin həyat yoldaşı Yelena Zelenskaya da iştirak edib.

V.Zelenski diplomatik missiyaya yeni səfir Nariman Cəlalın rəhbərlik edəcəyini elan edib.

"Türkiyə Prezidenti Rəcəb Tayyib Ərdoğanın dəvəti ilə bu ölkəyə gəlmək mənim üçün şərəfdir. Bu, nümayəndə heyətimizin belə sınaq anlarında vacib, rəsmi səfəridir", - V.Zelenski açılış mərasimində bildirib.

Ukrayna Prezidenti vurğulayıb ki, bu gün Türkiyə dövlət başçısı ilə keçiriləcək görüşdə danışıqların əsas mövzusu Rusiya ilə Ukrayna arasında müharibə, xüsusilə əsirlərin mübadiləsi, ərzaq təhlükəsizliyi və ərazi bütövlüyü məsələləri olacaq. Onun sözlərinə görə, Ukrayna müharibənin bitməsini istəyir, lakin bu, təhlükəsizlik zəmanətlərinə əsaslanmalıdır.

"Biz bu zəmanətləri ABŞ, Avropa İttifaqı və Türkiyə daxil olmaqla bütün Qərbdən gözləyirik", - V.Zelenski vurğulayıb.

O əlavə edib ki, bu məsələlər Ərdoğanla müzakirə olunacaq.

KİV-in məlumatına görə, mərasimdən dərhal sonra Zelenski Ərdoğanla görüşmək üçün prezident kompleksinə yollanıb.

Oxşar xəbərlər

Slovakiyanın Baş naziri: Türkiyə Rusiya-Ukrayna danışıqlarına ev sahibliyi edə bilər [xfgiven_updateblue][/xfgiven_updateblue]

Zelenski: Ukrayna müharibəni diplomatik yolla bitirmək üçün hər şeyi edəcək [xfgiven_updateblue][/xfgiven_updateblue]

Zelenski: Ukrayna müharibəni bitirəcək diplomatik vəziyyətə yaxınlaşmaq istəyir [xfgiven_updateblue][/xfgiven_updateblue]

Zelenski: Ukrayna müharibəni bitirəcək diplomatk vəziyyətə yaxınlaşmaq istəyir [xfgiven_updateblue][/xfgiven_updateblue]

Zelenski: Ukrayna yanvarda ABŞ-dən sülh planı gözləyir [xfgiven_updateblue][/xfgiven_updateblue]