Macarıstanın Baş naziri Viktor Orban Rusiyanın enerji resurslarından imtina etdikdən sonra Avropa İttifaqının dəqiq iqtisadi strategiyasının olmaması ilə bağlı kəskin tənqidi fikirlər səsləndirib.

“Sizinxeber.az” xəbər verir ki, o, bunu amerikalı jurnalist Taker Karlsona müsahibəsində deyib.

Orbanın fikrincə, Aİ-nin əvvəlki iqtisadi uğuru, əsasən, Almaniya iqtisadiyyatının çiçəklənməsi ilə bağlı olub:

“Bu, Avropaya qlobal bazarda yüksək rəqabət qabiliyyətini təmin edib. Lakin Ukraynada müharibənin başlaması və ardınca Rusiyanın enerji embarqosu ilə bu model itirilib. Aİ alternativ strategiyasız qalıb”, - Orban bildirib.

O, Avropa iqtisadiyyatının gələcəyi ilə bağlı dəqiq təsəvvürün olmamasının və yeni reallıqlara uyğunlaşa bilməməsinin birliyin bütün ölkələri üçün ciddi təhlükə yaratdığını, həm Almaniyada, həm də Macarıstanda iqtisadi problemlərə səbəb olduğunu vurğulayıb.

Macarıstanın Baş naziri, həmçinin qeyd edib ki, Ukrayna üzrə sülh razılaşması əldə olunarsa, Rusiya dünya iqtisadiyyatına və Avropanın enerji sisteminə reinteqrasiya ediləcək.

Qeyd edək ki, bundan əvvəl Orban Aİ liderlərini “qorxaq dovşanlar” adlandırıb.

Oxşar xəbərlər

Viktor Orban: Avropa Komissiyası müqavilələrin zəmanətçisi deyil, siyasi alət rolunu oynayır

Orban: Trampın ABŞ seçkilərində qələbəsi Macarıstanın təcridinə son qoyub

Macarıstan Aİ-nin Rusiyanın enerji resurslarından imtina etmək planını tənqid edib

Viktor Orban: "Macarıstanın türk dövlətləri ilə illik ticarət dövriyyəsi 5 milyard dolları keçib"

Viktor Orban: Azərbaycan regional təhlükəsizliyin təmin olunmasında əla nümunədir