Azərbaycan Güləş Federasiyası (AGF) və Azərbaycan Milli Antidopinq Agentliyinin (AMADA) birgə təşkilatçılığı ilə qadın güləşi üzrə milli komandanın üzvləri üçün antidopinq mövzusunda maarifləndirici seminar keçirilib.

Bu barədə "Report"a AGF-dən məlumat verilib.

Seminarın məqsədi idmanda ədalətli rəqabət prinsiplərinin təşviqi, təmiz idmanın dəyərlərinin təbliği və idmançıların sağlamlığının qorunması olub.

Tədbir 2027-ci il yanvarın 1-dən qüvvəyə minəcək yeni Ümumdünya Antidopinq Məcəlləsi və beynəlxalq standartların tələbləri əsasında təşkil edilib. Seminar zamanı AMADA-nın Elm, tibb və təhsil şöbəsinin aparıcı mütəxəssisi Qüdrət Səfərov iştirakçılara qadağan olunmuş maddə və üsullar, idmançıların hüquq və öhdəlikləri, dopinq nəzarəti prosedurları, terapevtik istifadə üçün istisnalar (TUE), eləcə də antidopinq qayda pozuntularının nəticələri barədə ətraflı məlumat verib.

Sonda güləşçilərin sualları cavablandırılıb və testlər vasitəsilə praktiki biliklər təkmilləşdirilib.

Oxşar xəbərlər

AMADA qadın boksçular üçün seminar təşkil edib

Gənc güləşçilər üçün antidopinq mövzusunda maarifləndirmə seminarı keçirilib

AMADA Azərbaycan Ağırlıqqaldırma Federasiyası üçün seminar təşkil edib

AMADA gənc voleybolçulardan ibarət millinin üzvləri üçün seminar keçirib

Avropa Gənclər Paralimpiya Oyunlarında iştirak edəcək Azərbaycan idmançıları üçün seminar keçirilib