ABŞ-nin yeni seçilmiş prezidenti Donald Tramp müttəfiqlər və rəqiblər üçün ümumi rüsumlara hüquqi əsas yaratmaq məqsədilə ölkə iqtisadiyyatında fövqəladə vəziyyət elan etmək imkanını nəzərdən keçirir.

“Sizinxeber.az” “Reuters”ə istinadən xəbər verir ki, bu barədə CNN telekanalı vəziyyətdən xəbərdar olan mənbələrə istinadən məlumat yayıb.

Qeyd olunur ki, bu addım Trampa ölkədə fövqəladə vəziyyət zamanı prezidentə idxalı idarə etmək səlahiyyəti verən "Beynəlxalq iqtisadiyyatda müstəsna səlahiyyətlər haqqında Qanun"dan istifadə edərək yeni tarif proqramı yaratmağa imkan verəcək.

"Heç nə istisna edilmir", - mənbə telekanala bildirib və ölkədə fövqəladə vəziyyətin elan edilməsi məsələsinin müzakirə edildiyini təsdiqləyib.

Yanvarın 20-də vəzifəsinin icrasına başlayacaq Tramp ABŞ-yə bütün ölkələrdən idxala 10 %, Çin mallarına isə 60 % rüsum tətbiq edəcəyinə söz verib. O, həmçinin vəzifəyə başladığı ilk gün Kanada və Meksikadan idxala 25 % rüsum tətbiq edəcəyini bildirib.

Oxşar xəbərlər

Ekvadorda meşə yanğınları ilə əlaqədar fövqəladə vəziyyət elan edilib [xfgiven_updateblue][/xfgiven_updateblue]

Tramp ABŞ-də fövqəladə vəziyyət elan etməyə hazır olduğunu açıqlayıb [xfgiven_updateblue][/xfgiven_updateblue]

Kanadanın baş naziri Trampa xəbərdarlıq edib [xfgiven_updateblue][/xfgiven_updateblue]

Kanadanın Baş naziri Trampın tarif təhdidləri ilə bağlı təcili iclas keçirəcək [xfgiven_updateblue][/xfgiven_updateblue]

Tramp miqrantlarla mübarizə üçün fövqəladə vəziyyət elan edə bilər [xfgiven_updateblue][/xfgiven_updateblue]