ABŞ Prezidenti Donald Tramp iranlı general Qasım Süleymaninin zərərsizləşdirilməsini “Yaxın Şərq tarixinin ən mühüm hadisələrindən biri” adlandırıb.

Sizinxeber.Az xəbər verir ki, Tramp Süleymaninin son 100 ildə ən çox qorxu yaradan şəxslərdən biri olduğunu və hətta İranın ali dini rəhbərliyinin nümayəndələri tərəfindən də ehtiyatla qarşılandığını bildirib.

Tramp əlavə edib ki, Süleymani ABŞ-ın beş hərbi bazasına qarşı hücum hazırlayırmış.

Trampın iddiasına görə, onun öldürülməsi planlaşdırılan hücumdan təxminən bir həftə əvvəl həyata keçirilib.

ABŞ prezidenti qeyd edib ki, bu əməliyyat regionda təhlükəsizliyin təmin olunmasına və mümkün itkilərin qarşısının alınmasına xidmət edib.

Qeyd edək ki, Qasım Süleymani 2020-ci ilin yanvarında İraqın paytaxtı Bağdad yaxınlığında ABŞ-ın həyata keçirdiyi hava əməliyyatı nəticəsində öldürülüb.

Oxşar xəbərlər

Tramp: Süleymaninin öldürülməsi Yaxın Şərq tarixinin ən mühüm hadisələrindən biri olub

Qasım Süleymani Qarabağda şəbəkə qurmuşdu - Ağabekyan

KİV: Tramp ABŞ-nin regional münaqişələrə daha çox müdaxilə etməsini istəmir

İsrail ordusu Tehranda "Bəsic" komandiri Qolam Rza Süleymaninin öldürüldüyünü açıqlayıb

Laricani və Süleymaninin dəfn mərasimi keçirilir