Finlandiya Ukraynanın hava hücumundan müdafiəsini gücləndirməyə kömək etməyə hazırdır.

“Report” xəbər verir ki, bu barədə Ukrayna Prezidenti Aleksandr Stubb ukraynalı həmkarı Volodimir Zelenski ilə telefon danışığında deyib.

Həmçinin Finlandiya Ukraynaya 26-cı müdafiə dəstəyi paketini təsdiqləyib.

Qeyd olunub ki, rəsmi Helsinki Kiyevə növbəti yardım paketini formalaşdırmağa başlayıb.

Ukrayna dövlətinin başçısı Finlandiyaya genişmiqyaslı müharibə başlayandan bəri müstəqilliyin və xalqın qorunmasına prinsipial və daimi dəstəyə görə təşəkkür edib.

Ukrayna Prezidenti bu gün səhər saatlarında Rusiyanın ölkənin enerji infrastrukturuna kütləvi hücumunun nəticələri barədə məlumat verib. O həmçinin əlavə hava hücumundan müdafiə sistemləri və vasitələrinə ehtiyacdan danışıb.

Ukrayna lideri ölkəsinin hava hücumundan müdafiəsini gücləndirməyə kömək etmək istəyinə görə həmkarına təşəkkür edib.

Söhbət zamanı dövlət başçıları Ukrayna üçün ədalətli və davamlı sülh şəraitində müharibəyə son qoymaq və Rusiya hücumlarının təkrarlanması ehtimalının qarşısını almaq üçün atılmalı olan addımları müzakirə ediblər. Onlar Ukrayna üçün real təhlükəsizlik təminatlarına ehtiyac olduğunu vurğulayıblar.

Ukraynanın Avropa İttifaqı (Aİ) və NATO-ya mümkün üzvlüyünə xüsusi diqqət yetirilib.

Oxşar xəbərlər

Zelenski İspaniyanın Baş naziri ilə hava hücumundan müdafiəni müzakirə edib

Kanada Ukraynanı əlavə NASAMS sistemləri ilə təchiz edib

Ukraynalılar kütləvi şəkildə Kiyevə qaçır

ABŞ Ukraynaya yeni hərbi yardım paketi elan edib

ABŞ terrorçu PKK/YPG üçün hava hücumundan müdafiə sistemləri göndərib