Koreya Xalq Demokratik Respublikası (KXDR) Koreya yarımadası ərazisində GPS siqnalını bloklamağa başlayıb.

“Report” xəbər verir ki, bu barədə Cənubi Koreyanın Yonhap agentliyi məlumat yayıb.

Koreya Respublikası Silahlı Qüvvələrinin Baş Qərargah Rəisləri Komitəsi bildirib ki, KXDR-in cənubundakı Kesonq və Hedju şəhərlərinə yaxın ərazilərdə siqnalın kəsilməsi qeydə alınıb. Bunun Cənubi Koreyanın bir neçə gəmisinin və onlarla mülki aviasiya təyyarəsinin hərəkətinin pozulmasına səbəb olduğu vurğulanıb.

Koreya Respublikasının hərbçiləri KXDR-i GPS siqnalının bloklamağı dərhal dayandırmağa çağıraraq, hər hansı nəticələrə görə məsuliyyətin Pxenyanın üzərinə düşəcəyi barədə xəbərdarlıq edib. KXDR Cənubi Koreya tərəfinin bu bəyanatlarına hələlik münasibət bildirməyib.

Oxşar xəbərlər

KXDR Koreya Respublikası ilə əlaqəni tamamilə kəsib

“Yonhap”: KXDR ballistik raket buraxıb

Seul KXDR-in Cənubi Koreyaya gedən yolları partladacağını güman edir

Cənubi Koreya ballistik raketə görə KXDR-ə yeni sanksiyalar tətbiq edəcək

Cənubi Koreya: KXDR qitələrarası balistik raket buraxıb