Brüssel ölkənin Avropa İttifaqına daxil olması ilə bağlı danışıqlar zamanı Moldovada torpaqların əcnəbilərə satılmasını müzakirə edəcək.

“Sizinxeber.az” xəbər verir ki, bu barədə Avropa İttifaqının Kişinyovdakı daimi nümayəndəsi Yanis Majeyks “Rlive” telekanalında məlumat verib.

“Avropa İttifaqında kapitalın sərbəst hərəkəti mövcuddur və bir Aİ üzv dövlətinin istənilən vətəndaşı digər üzv dövlətdə hər şeyi ala bilər. Bu, ölkəniz üçün bir iqtisadi artım yarada bilər. Mən çox az əhalisi olan tərk edilmiş kəndlər görürəm, oradakı torpaqlar əcnəbilərə satılsaydı, həmin ərazidə daha çox iqtisadi fəallıq olardı”, - deyə o qeyd edib.

O, Moldovada torpaq satışı ilə bağlı keçid dövrünə ehtiyac ola biləcəyini istisna etməyib.

Hazırda Moldova qanunları kənd təsərrüfatı torpaqlarının əcnəbilərə və ya nizamnamə kapitalında xarici investisiyalar olan şirkətlərə satılmasını qadağan edir. Xarici sahibkarlar bu məhdudiyyətləri aradan qaldırmağı təklif edirlər, lakin moldovalı fermerlər hakimiyyətdən tələb edirlər ki, əcnəbilərin kənd təsərrüfatı torpaqları almasına mane olsunlar.

Oxşar xəbərlər

Sandu Moldovanın Aİ-yə daxil olması ilə bağlı referendum keçirilməsini istəyib [xfgiven_updateblue][/xfgiven_updateblue]

Rusiyada əcnəbilərə vətəndaşlıq verilməsi prosedurunda yenilik edilib [xfgiven_updateblue][/xfgiven_updateblue]

Moldova Aİ-yə üzvlüyün texniki mərhələsinə başlayıb [xfgiven_updateblue][/xfgiven_updateblue]

Sənədsiz evlərə çıxarış almaq asanlaşdı - Yeni qaydalar [xfgiven_updateblue][/xfgiven_updateblue]

Moldovada çoxmillətli hərbi təlimlər keçiriləcək [xfgiven_updateblue][/xfgiven_updateblue]