Latviya Xarici İşlər Nazirliyi (XİN) ölkənin şərqində keçən həftə aşkar edilmiş Rusiya pilotsuz təyyarəsi ilə əlaqədar bu ölkənin müvəqqəti işlər vəkilini çağırıb.

"Sizinxeber.az" xəbər verir ki, bu barədə Latviya XİN-in məlumatında deyilir.

"Rusiyanın müvəqqəti işlər vəkilindən PUA-nın qanunsuz olaraq Latviyanın hava məkanını pozduğu barədə tam izahat verməsi xahiş edilib", - məlumatda qeyd olunur.

Diplomata Rezekne rayonunda "Şahed" tipli hərbi təyinatlı pilotsuz uçuş aparatının aşkar edilməsi ilə əlaqədar qəti etiraz bildirilib.

Latviya hakimiyyəti hadisənin təfərrüatları ilə bağlı dərin araşdırma aparmağa davam edir. Latviya diplomatik kanallarla müttəfiqlərini, NATO və Aİ rəhbərliyini məlumatlandırıb.

Oxşar xəbərlər

Rusiya PUA-sı Latviya ərazisinə düşüb

Latviya və Rumıniyadakı dron insidentləri NATO-da müzakirə ediləcək

Latviya Ukraynaya verilməsi üçün 500-ə yaxın dron hazırlayıb