ABŞ Prezidenti Donald Tramp hazırda Rusiyaya qarşı yeni sanksiyaların tətbiqi məsələsinə soyuq yanaşır.

"Report"un məlumatına görə, ABŞ lideri bu barədə rusiyalı həmkarı Vladimir Putinlə keçirdiyi görüşün nəticələrinə dair "Fox News" telekanalına müsahibəsində müvafiq sualı cavablandırarkən danışıb.

"Bu gün baş verənlərə görə düşünürəm ki, indi bunu düşünməyimə ehtiyac yoxdur", - deyə o bildirib. "Bilirsiniz, hesab edirəm ki, görüş çox yaxşı keçdi", - deyə Ağ Ev rəhbəri əlavə edib.

Bununla belə, o, gələcəkdə sanksiyalar məsələsinin gündəmə qayıda biləcəyini istisna etməyib. "Ola bilsin ki, iki və ya üç həftə sonra və ya bu kimi müddətdə bunu düşünməli olacağam, lakin məhz indi bunu düşünməyimizə ehtiyac yoxdur", - deyə Tramp qeyd edib.

Oxşar xəbərlər

Tramp: ABŞ 50 gündən az müddətdə Rusiyaya qarşı ikinci dərəcəli sanksiyalar tətbiq edə bilər

Tramp Putinlə görüşəcəyinə əmindir

Tramp: Rusiyaya zərər vermək niyyətim yoxdur

Böyük Britaniya Rusiyaya qarşı növbəti sanksiyalar paketini hazırlayır

Tramp: Zərurət yaranarsa, ABŞ Rusiyaya qarşı yeni sanksiyalar tətbiq edəcək