Bu ilin iyul ayında Rusiya hərbçilərinin keçirdikləri əməliyyatlar nəticəsində Ukraynada mülki şəxslər arasında ölənlərin sayı üç illik maksimuma çatıb.

“Report” xəbər verir ki, bu barədə BMT-nin Ukraynada İnsan Hüquqları üzrə Monitorinq Missiyası məlumat yayıb.

Məlumata görə, iyul ayında Ukraynada 286 mülki şəxs həlak olub, 1 388 nəfər yaralanıb ki, bu da 2022-ci ilin may ayından bəri ən yüksək göstərici olub və 2025-ci ilin iyun ayının statistikasını üstələyib.

Monitorinq missiyası vurğulayır ki, bu ilin yanvar-iyul aylarında itkilərin sayı 2024-cü ilin eyni dövrü ilə müqayisədə 48 % artıb.

Rusiyanın Ukraynaya genişmiqyaslı müdaxiləsinin başlanmasından bəri monitorinq missiyası 726 uşaq da daxil olmaqla ən azı 13 883 mülki şəxsin ölümünü və 35 548 nəfərin, o cümlədən 2 234 uşağın yaralandığını sənədləşdirib.

Oxşar xəbərlər

Bu il Rusiyanın Ukraynaya hücumları nəticəsində mülki şəxslər arasında ölənlərin sayı 1,5 dəfə artıb

Es-Süveydadakı toqquşmalar nəticəsində ölənlərin sayı 940 nəfərə çatıb - YENİLƏNİB

Qəzzada ölənlərin sayı 52,3 mini ötüb