ABŞ prezidenti Donald Tramp deyib ki, Tehran nüvə potensialını bərpa etməyə çalışarsa, ABŞ İranı yenidən vura bilər.

"Report"un xəbərinə görə, bu barədə o, Ağ Evdə jurnalistlərə açıqlamasında bildirib.

“Yaxşı, biz İranın nüvə silahı əldə etməsinin qarşısını alaraq Yaxın Şərqdə müharibələri dayandırdıq”, - Tramp qeyd edib.

"Onlar hər şeyə yenidən başlayacaqlarını söyləyə bilərlər, lakin bu, onlar üçün çox təhlükəli bir addım olardı, çünki biz geri dönəcəyik. Onlar başlayan kimi biz geri qayıdacağıq. Məncə, onlar bunu başa düşürlər", - ABŞ prezidenti yekunlaşdırıb.

Xatırladaq ki, iyunun 22-nə keçən gecə ABŞ Silahlı Qüvvələri İranın üç nüvə obyektinə (Fordo, Natanz və İsfahanda) hücum edib. İyunun 23-ü axşam saatlarında Tehran ABŞ-ın Yaxın Şərqdəki ən böyük aviabazasına, Qətərdəki Əl Udeyd aviabazasına raket zərbəsi endirib.

Oxşar xəbərlər

Tramp: İran ABŞ-nin nüvə obyektlərinə zərbələr endirməsindən xəbərsiz olub

Putin Kremldə İranın ali liderinin baş müşavirini qəbul edib

Tramp İranın nüvə proqramının bərpa olunacağı təqdirdə onu məhv etməklə hədələyib

İranda İsrailin zərbələri nəticəsində ölənlərin sayı 1 062 nəfərə çatıb

BƏƏ İranın Qətərə hücumla Körfəz ölkələrinin etimadını sarsıtdığını bildirib