Vaşinqton administrasiyası Livanda davamlı atəşkəs təmin etməyə çalışır və hesab edir ki, bu istiqamətdə vəziyyət yaxşılaşır.

"Report"un məlumatına görə, bu barədə ABŞ-nin vitse-prezidenti Cey Di Vens bildirib.

"Marko (Rubio) və bütün komanda Livanda baş verənlərdə fəal iştirak edir. Kütləvi informasiya vasitələrindəki xəbərlərin başlıqlarına baxmayaraq, oradakı vəziyyət əslində yaxşılaşır və gərginlik bir qədər azalır", - o, ABŞ-İran danışıqlarının keçiriləcəyi gözlənilən İsveçrəyə yola düşməzdən əvvəl Vaşinqton yaxınlığındakı Endryus Hərbi Hava Qüvvələri Bazasında jurnalistlərə bildirib.

Vensin sözlərinə görə, Vaşinqton İsrail və Livanın təhlükəsizliyini, regionda sabitliyin təminatı üçün çalışmağa davam edəcək.

O qeyd edib ki, əsas problem döyüşlərin şiddətlənməsidir.

"Kimsə atəş açır, kimsə cavab verir. Atəşkəsin qüvvəyə minməsi üçün atəşi kifayət qədər dayandırmalıyıq. Biz buna nail olmağa çalışırıq", - Vens əlavə edib.

Oxşar xəbərlər

Vens İsveçrədə keçiriləcək ABŞ-İran danışıqlarının əsas mövzularını açıqlayıb

Vens: İran Hörmüz boğazını açmasa, ABŞ atəşkəs rejiminə riayət etməyəcək

Vens: Vaşinqton Fələstini tanımağı planlaşdırmır

KİV: Vens ABŞ və İran danışıqlarının təşkilində əsas rol oynayıb

Vens: ABŞ İsrailin etirazlarına baxmayaraq, İranla danışıqları davam etdirəcək