Dövlət çevrilişinə cəhddə təqsirləndirilən Braziliyanın keçmiş prezidenti Jair Bolsonaru haqqında ev dustaqlığı qərarı verilib.

"Report" "Al Jazeera"ya istinadən xəbər verir ki, bu barədə ölkənin Ali Məhkəməsi qərar çıxarıb.

Bildirilib ki, keçmiş prezident "məhkəməyə qədər ehtiyat tədbirlərini pozduğuna görə" barəsində sözügedən hökm verilib.

Belə ki, o, sosial mediadan istifadəsini və siyasi mesajlaşmasını məhdudlaşdıran məhkəmə qərarını heçə sayıb.

Xatırladaq ki, Jair Bolsonaru 2022-ci ildə keçirilən prezident seçkilərində məğlub olmasına baxmayaraq, vəzifədə qalmaq üçün çevriliş planını təşkil etmək iddiası ilə mühakimə olunur.

ABŞ Prezidenti Donald Tramp isə Bolsonarunun mühakimə edilməsini sərt şəkildə qınayaraq Braziliya hakimiyyətini "cadugər ovu"nda günahlandırıb, hakim Aleşandre de Moraesa qarşı isə sanskiya təbiq edib.

Oxşar xəbərlər

ABŞ Bolsonaru işi ilə bağlı Braziliya Ali Məhkəməsi hakiminin vizasını ləğv edib

Braziliyanın keçmiş prezidenti dövlət çevrilişinə cəhddə ittiham olunur

Braziliyanın sabiq prezidentinə xarici rəsmilərlə ünsiyyət qadağan edilib

Braziliyanın sabiq müdafiə naziri prezidentə qarşı qəsd ittihamlarını rədd edib

Lula da Silva 2026-cı ildə Braziliyada prezident seçkilərində iştirak etməyi planlaşdırır