Böyük Britaniyanın paytaxtı Londonda bıçaqlı hücum zamanı iki nəfər ölüb.

“Report” xəbər verir ki, bu barədə Skotland-Yardın bəyanatında deyilir.

Məlumata görə, insident paytaxtın mərkəzində Sazerk ərazisində yerləşən ticarət obyektində baş verib.

Polis əməkdaşları çağırış yerinə saat 13:00 radələrində (Bakı vaxtı ilə saat 16:00-red) gəliblər. "Tibb işçilərinin bütün səylərinə baxmayaraq, 58 yaşlı kişi hadisə yerindəcə ölüb. Daha üç kişi xəstəxanaya aparılıb, onlardan biri - 27 yaşlı kişi orada dünyasını dəyişib", - paytaxt polisi qeyd edib.

İki nəfər xəstəxanadadır, onların həyatı təhlükə altındadır. Onlardan biri hadisədə əli olmaqda şübhəli bilinir.

Skotland Yard hadisənin əlavə təfərrüatlarını açıqlamasa da, bıçaqlanmanın terrorla bağlı olmadığını, insanlar üçün heç bir təhlükə yaranmadığını açıqlayıb.

Faktla bağlı araşdırmalara başlanılıb.

Oxşar xəbərlər

Londonda “Notting Hill” karnavalında 90 nəfər saxlanılıb

Londonda silahlı insidentdə bir nəfər həlak olub, iki nəfər xəsarət alıb

Londonda bıçaqlı hücum zaçamə iki nəfər ölüb

Almaniyada parkda bıçaqlı hücum olub, iki nəfər ölüb

Londonda “Notting Hill” karnavalında 4 nəfər yaralanıb, yüzlərlə saxlanılan var