Almaniyanın cənubundakı Aşaffenburq şəhərində parkda bıçaqlı hücum nəticəsində biri uşaq olmaqla, azı iki nəfər ölüb.

“Report” xəbər verir ki, bu barədə “Bild” nəşri məlumat yayıb.

İlkin məlumata görə, Bakı vaxtı ilə saat 14:45-də bir neçə nəfər, o cümlədən uşaq bağçasından olan bir qrup bıçaqlanıb.

Daha sonra polis 41 yaşlı kişi və 2 yaşlı uşağın ölümü barədə məlumat verib. Bundan əlavə, polisin məlumatına görə, xəstəxanadakı iki yaralının vəziyyəti ağırdır.

“Bild” yazıb ki, şübhəli şəxs saxlanılıb. Nəşr qeyd edib ki, o, əvvəllər psixoloji problemlərdən əziyyət çəkən 28 yaşlı Əfqanıstan vətəndaşıdır.

Hadisənin başvermə şəraiti hələ müəyyən edilməyib.

Oxşar xəbərlər

Almaniyada kişi 4 nəfəri bıçaqla yaralayıb

Almaniyada bıçaqlı hücum: 3 nəfər ölüb, 9-u yaralanıb

Şanxayda bıçaqlı şəxs 3 nəfəri qətlə yetirib, 15 nəfəri yaralayıb

Almaniyada Solingen hücumunda şübhəli bilinən şəxs polisə təslim olub

Çində bıçaqlı hücum nəticəsində 8 nəfər ölüb, 17 nəfər yaralanıb