ABŞ-nin demokrat və respublika partiyalarından olan senatorlar bu həftə Çinə təzyiqi artırmağa yönəlmiş üç qanun layihəsi təqdim edəcəklər.

"Sizinxeber.az" xəbər verir ki, bu barədə “Reuters” agentliyi məlumat yayıb.

"ABŞ Çin Xalq Respublikası və onun dünyada nümayiş etdirdiyi təcavüz qarşısında zəiflik göstərə bilməz", - Oreqon ştatından olan demokrat senator Ceff Merkli bildirib.

Qanun layihələrindən biri çərçivəsində Çinin "guya uyğurların zorla repatriasiyasında iştirak edən" hazırkı və keçmiş rəsmi şəxslərinin ABŞ-yə girişinin qadağan edilməsi təklif olunur. Digər qanun layihəsi "Tayvanla rəsmi diplomatik əlaqələr saxlayan" və "Taypeylə koordinasiyanı dərinləşdirmək üçün digər addımlar atan" Latın Amerikası və Karib hövzəsi ölkələrinin dəstəklənməsinə yönəlib. Üçüncü sənəd isə "transmilli repressiyalarla mübarizəyə yönəlib".

Agentlik xatırladır ki, ABŞ və Çin gələn həftənin əvvəlində Stokholmda mövcud ticarət sazişlərinin müddətinin uzadılmasını müzakirə edəcəklər.

"ABŞ Prezidenti Donald Trampın ticarət məsələlərinə diqqət yetirmək istəyi Konqresdəki "şahinlər" arasında narahatlıq doğurub. Onlar təhlükəsizlik mövzusuna daha az diqqət yetiriləcəyindən narahatdırlar", - deyə “Reuters” yazır.

Oxşar xəbərlər

ABŞ Senatına Tayvanla əlaqələri genişləndirmək barədə qanun layihəsi təqdim edilib

Rusiya Ukrayna ilə sazişdən imtina edərsə, ABŞ ona sanksiyalar tətbiq edə bilər

Nümayəndələr Palatası “vahid, böyük, gözəl qanun layihəsi”ni qəbul edib

Nümayəndələr Palatası “vahid, böyük, gözəl qanun layihəsi”ni qəbul etdi