Senatorlar Con Kertis (Yuta ştatından respublikaçı - red) və Ceff Merkli (Oreqon ştatından demokrat - red.) ABŞ Konqresinin yuxarı palatasına Tayvanla əlaqələri dərinləşdirmək üçün qanun layihəsi təqdim ediblər.

"Sizinxeber.az"un xəbərinə görə, layihə Tayvandakı Amerika İnstitutunun (ABŞ-nin adadakı de-fakto faktiki səfirliyi) direktorunun Senatda təsdiqini nəzərdə tutur, həmçinin federal hökumətə Tayvan siyasəti ilə bağlı idarələrarası işçi qrupu yaratmağı tapşırır.

Bundan əlavə, mətndə bildirilir ki, ABŞ administrasiyası Tayvanın beynəlxalq təşkilatların işində iştirakını asanlaşdırmalı, həmçinin adaya tamhüquqlu üzv statusu verməyə çalışmalıdır.

Qanun layihəsində Vaşinqton və Taypey arasında ticarət-iqtisadi əlaqələrin gücləndirilməsinin, eləcə də təhlükəsizlik sahəsində əməkdaşlığın dərinləşdirilməsinin zəruriliyi vurğulanır.

Bundan əlavə, layihə Tayvan hərbçilərinin ikitərəfli və çoxtərəfli hərbi manevrlərə dəvət edilməsini, habelə ABŞ və Tayvan arasında kommersiya silahlarının tədarükü ilə bağlı müntəzəm məsləhətləşmələrin aparılmasını nəzərdə tutur.

Oxşar xəbərlər

Rusiya Ukrayna ilə sazişdən imtina edərsə, ABŞ ona sanksiyalar tətbiq edə bilər

Tayvan ABŞ-la adada Amerika silahlarının istehsalını müzakirə edəcək

Çin ABŞ-a Tayvanla bağlı xəbərdarlıq edib

Tayvan: Çinin 14 təyyarəsi və 6 gəmisi adaya yaxınlaşıb