Rusiya Xarkova iki aviasiya bombası ilə zərbə endirib, bir zərbə yaşayış binasının yaxınlığına, ikincisi isə mülki müəssisəyə düşüb.

"Sizinxeber.az" xəbər verir ki, bu barədə Ukrayna Prezidenti Volodimir Zelenski sosial şəbəkələrdə bildirib.

"Hazırkı məlumata görə, artıq onlarla yaralı var. Onlara yardım göstərilir. Rusiya şəhərə birbaşa iki aviasiya bombası ilə zərbə endirib. Bir zərbə yaşayış binasının yaxınlığına, ikincisi isə mülki müəssisəyə düşüb. Xilasedicilər yanğını söndürürlər", - V.Zelenski qeyd edib.

Ukrayna KİV-lərinin məlumatına görə, Rusiya tərəfindən Xarkova endirilən zərbələr nəticəsində 30-dan çox insan yaralanıb.

Ukrayna Prezidenti bu zərbələri "tamamilə mənasız", hər hansı hərbi məqsədi olmayan zərbələr adlandırıb.

"Bizə müdafiədə dəstək - güclü Hava Hücumundan Müdafiə (HHM) sistemi, silah istehsalının genişləndirilməsi lazımdır. Bütün bunlar həyatları qorumağa kömək edəcək. Tərəfdaşlarla qarşılıqlı əlaqəyə ümid edirik və artıq kömək etməyə hazır olan hər kəsə minnətdarıq", - o vurğulayıb.

Oxşar xəbərlər

Rusiya Xarkova ballistik raketlə zərbə endirib, ölən və yaralananlar var

Rusiya Xarkova ballistik raketlərlə zərbə endirib, ölən və yaralananlar var

Rusiyanın Xarkova hücumları nəticəsində yaralananların sayı 70-i ötüb - YENİLƏNİB

Rusiya Xarkova raket zərbələri endirib, ölən və yaralananlar var

Ukrayna Xerson bazarına dronlarla zərbə endirib, 7 nəfər ölüb, 20-dən çox yaralı var