Cənubi Koreyada güclü yağışlar 14 nəfərin həyatına son qoyub.

“Report” xəbər verir ki, bu barədə ölkənin Daxili İşlər Nazirliyi və xilasetmə xidmətlərinin məlumatında bildirilir.

Ən pis vəziyyət respublikanın qərbində və şimal-qərbində, o cümlədən Çxunçxon-Namdo və Kenqido əyalətlərində olub. Çox sayda sürüşmə və çay daşqınları baş verib.

Yerli xilasetmə xidmətlərinin məlumatına görə, 14 şəhər və qəsəbədə 13 mindən çox insan təxliyə edilib.

Sinoptiklər ölkənin bu hissəsində yağışın bazar günü ərzində davam edəcəyi ilə bağlı xəbərdarlıq edib və yerli sakinləri ayıq-sayıq olmağa çağırıblar.

Oxşar xəbərlər

Cənubi Koreyada daşqınlar nəticəsində dörd nəfər həlak olub, 5 mindən çox insan təxliyə edilib

ABŞ-də güclü fırtına azı beş nəfərin ölümünə səbəb olub