ABŞ Prezidenti Donald Tramp Günəş və külək enerjisinə dövlət subsidiyalarının dayandırılması haqqında fərman imzalayıb.

"Sizinxeber.az" xəbər verir ki, sənədi Ağ Evin Mətbuat xidməti yayıb.

Trampın fərmanına əsasən ABŞ federal hökuməti vergi ödəyicilərini çox uzun müddət bahalı və etibarsız enerji mənbələrinə subsidiya verməyə məcbur edib. Sənəddə vurğulanır ki, Günəş və külək enerjisi layihələrinin yayılması əlverişli, etibarlı və tənzimlənən daxili enerji mənbələrini sıxışdırır və elektrik şəbəkələrinin işini pozur.

Bundan əlavə, Amerika hökumətinin mövqeyinə görə, yaşıl enerji subsidiyaları ABŞ-nin milli təhlükəsizliyini təhdid edir, çünki onları xarici rəqiblərin nəzarətində olan təchizat zəncirlərindən asılı vəziyyətə gətirir.

Sənəd ABŞ-nin maliyyə naziri Skott Bessenti Trampın vergilərin azaldılması və dövlət borcunun artırılmasını nəzərdə tutan dövlət xərcləri haqqında qanun layihəsini imzaladığı gündən 45 gün ərzində Günəş və külək enerjisi sahəsində vergi endirimlərinə son qoymaq üçün bütün lazımi tədbirləri görməyi öhdəsinə götürür. Tramp qanun layihəsini iyulun 4-də imzalayıb.

Oxşar xəbərlər

Çin şirkəti Xəzərdə külək enerjisi layihəsinin həyata keçirilməsini araşdırır

Tramp ABŞ hökumətinin xərcləri, vergilər və borc tavanı haqqında qanunu imzalayıb

Yaxın 3 ildə Azərbaycanda 8 günəş-külək elektrik stansiyası şəbəkəyə qoşulacaq

Naxçıvanda ötən ay “yaşıl enerji”nin payı 53 % təşkil edib

Bakıda bir külək və üç günəş elektrik stansiyası inşa edilə bilər