Ukraynada yerin təki haqqında "gizli" olaraq qeyd edilən geoloji məlumatlar xarici investorları cəlb etmək və yerin təki sazişi çərçivəsində ABŞ ilə əməkdaşlıq üçün açıq olacaq.

"Sizinxeber.az"un Ukraynanın Ətraf Mühitin Mühafizəsi və Təbii Sərvətlər Nazirliyinə istinadən verdiyi məlumata görə, bunu həmin dövlət orqanının rəhbəri Svitlana Qrinçuk deyib.

"Biz məhdudiyyət təsnifatlarını ləğv edirik - strateji və kritik mineral ehtiyatlar haqqında məlumata girişi açırıq", - o deyib.

Nazir bildirib ki, hazırda Ukraynada yer təki ilə bağlı məlumatlarla pulsuz işləmək üçün bütün bürokratik prosedurlar tamamlanır, çünki məlumatların əksəriyyəti indiyədək yalnız kağız şəklində saxlanılıb.

Qrinçukun sözlərinə görə, nazirlik artıq geoloji məlumatı olan 6 min kitabı rəqəmsallaşdırıb və daha 60 min kitabı rəqəmsallaşdırmağı planlaşdırır. Layihə Avropa Yenidənqurma və İnkişaf Bankının dəstəyi ilə həyata keçirilir və Amerika şirkəti ilə birgə genişləndirilməsi planlaşdırılır.

Oxşar xəbərlər

Ukrayna XİN: ABŞ ilə yerin təki ilə bağlı saziş Aİ-yə inteqrasiya ilə ziddiyyət təşkil etməməlidir

Ukraynalı nazir: Minatəmizləmədəki yardıma görə Azərbaycana minnətdarıq

Ukrayna ABŞ ilə sazişi ratifikasiya edib

Ukraynanın ətraf mühit naziri COP29-un yekunlarından yazıb: Dolğun və mürəkkəb oldu

Ağ Ev: ABŞ Ukrayna ilə yerin təki üzrə sövdələşmədən böyük fayda əldə edəcək