Bakıda baş tutmuş BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) bütün dünya ölkələri, xüsusən də Ukrayna üçün dolğun və kifayət qədər mürəkkəb oldu.

“Report” xəbər verir ki, bu barədə Ukraynanın ətraf mühitin mühafizəsi və təbii sərvətlər naziri Svitlana Qrinçuk feysbukda yazıb.

“Paris sazişinin 6-cı maddəsi – bazar mexanizmləri ilə bağlı qərarlar paketi qəbul edilib. Kənd təsərrüfatı üzrə iş proqramı davam etdirilib və yeni layihələrin təqdim edilməsi üçün portal yaradılıb. Qlobal uyğunlaşma məqsədi üzərində işləmək üçün addımlar atılır”, – nazir qeyd edib.

O, Ukraynanın “iqlim planlarını və layihələrini gerçəkləşdirmək üçün vəsait alacağını” açıqlayıb: “Biz 6-cı maddə çərçivəsində əlavə investisiya cəlb edə, həmçinin yaşıl enerji, yaşıl bərpa və iqlim dəyişikliyinə adaptasiya üçün beynəlxalq maliyyə qurumlarının maliyyələşdirilməsində iştirak edə bilərik”.

“Bakıdakı işin mühüm elementi Ukrayna pavilyonu oldu. O, müharibə və dağıntılara baxmayaraq, “yaşıl” bərpa üçün beynəlxalq tərəfdaşları cəlb etmək missiyasını yerinə yetirdi. Bu, COP29-dan sonra da dünyanın Ukrayna ətrafında birləşməsinin rəmzi olacaq”, – Qrinçuk vurğulayıb.

Oxşar xəbərlər

Özbəkistanın ekologiya naziri: COP29-un Azərbaycanda keçirilməsi Mərkəzi Asiya üçün də vacibdir

COP29 qlobal diqqəti cəmləşdirmək və iqlim fəaliyyətini sürətləndirmək üçün təşəbbüslərə başlayıb

Aİ ölkələri Bakıda keçiriləcək COP29 üçün prioritetləri açıqlayıb

Ukrayna COP29 çərçivəsində İqlim Klubu Qlobal Platformasına qoşulub

COP29 sədrliyi nazirliklər nümayəndələrinin təyin olunmasını elan edib