Bakıda keçirilən Ümumdünya Şəhərsalma Forumunun 13-cü Sessiyasının (WUF13) ikinci günü işinə başlayıb.

"Report" xəbər verir ki, bu gün WUF tarixində ilk dəfə Liderlər Sammiti baş tutacaq.

Bundan başqa, forumun ikinci günündə rəsmi açılış mətbuat konfransı keçiriləcək.

Mətbuat konfransında qlobal mənzil böhranı, təhlükəsiz və dayanıqlı şəhərlərin inkişafı, urbanizasiya siyasətləri və şəhər dayanıqlığının gücləndirilməsi istiqamətində prioritet məsələlərin müzakirəsi nəzərdə tutulur.

Gün ərzində Assambleyaların Birgə Bağlanış Mərasimi, Afrika regionu nazirlər görüşü və MINURVI-nin - Latın Amerikası və Karib Hövzəsi üzrə Mənzil və Urbanizasiya Nazirləri və Yüksək Səviyyəli Rəsmilər Forumunun sessiyası da keçiriləcək.

Xatırladaq ki, mayın 22-dək davam edəcək forumda 182 ölkədən 40 mindən artıq iştirakçı qeydiyyatdan keçib.

Oxşar xəbərlər

WUF13-də 182 ölkədən 40 mindən çox iştirakçı qeydiyyatdan keçib

WUF13-də qeydiyyatdan keçən ölkələrin sayı 176-ya çatıb

WUF13-də qeydiyyatdan keçənlərin sayı 20 minə çatıb

Nyu-Yorkda WUF13-ün qlobal təşviqinə dəstək məqsədilə əlavə tədbirlər keçiriləcək

WUF13-də iştirak üçün 178 ölkədən 30 mindən çox şəxs qeydiyyatdan keçib