Ukraynanın ABŞ ilə imzalamağa hazırlaşdığı yerin təki ilə bağlı saziş Kiyevin Avropa İttifaqına (Aİ) inteqrasiyası proseslərinə zidd olmamalıdır.

“Sizinxeber.az” Ukrayna KİV-ə istinadən xəbər verir ki, bu barədə ölkənin xarici işlər naziri Andrey Sibiqa bildirib.

“Üzərində danışıqlara başladığımız razılaşma heç bir halda Aİ-yə inteqrasiya yolumuzla ziddiyyət təşkil edə bilməz. Bu prinsipial mövqelərimizdən biridir”, - o mətbuat konfransında deyib.

Qeyd edək ki, martın 28-də Avropa Komissiyasının (AK) nümayəndəsi Paula Pinyo AK-nın Kiyevi ABŞ ilə resurs sazişinin Ukraynanın Aİ qarşısında öhdəliklərini yerinə yetirməsi baxımından icmaya qoşulma prosesinin bir hissəsi kimi təhlil edilməli olduğuna dair məlumatlandırdığını bəyan etmişdi.

Onun sözlərinə görə, AK ABŞ ilə razılaşmanın nəticələri ilə bağlı Kiyevə məsləhət verməyə hazırdır.

Aİ Ukraynadan Avropa sənayesi üçün vacib olan bir sıra resurslar alacağına ümid edir. O cümlədən Brüssel Ukraynadan tədarük hesabına Avropanın qrafiteyə olan bütün tələbatının 10 %-ni ödəməyi planlaşdırır. Bundan əlavə, AK Ukraynadan orada hasil edilə biləcək bütün litium ehtiyatlarını almaq niyyətindədir, çünki bu metal Avropa akkumulyator sənayesi üçün mühüm əhəmiyyətə malikdir.

Oxşar xəbərlər

Avropa Komissiyası: Ukrayna xalqı tələb etməyənə qədər ölkədə seçkilərə ehtiyac yoxdur

Sibiqa: Ukrayna atəşkəslə bağlı işçi qrupu yaratmağa hazırdır

Andrey Sibiqa : Ukraynalıların geri qaytarılması üçün Avropa İttifaqı ilə proqram işlənir

Ursula fon der Lyayen: Ukraynanın Aİ-yə inteqrasiyası səylərimizin mərkəzindədir

Sibiqa: Rusiyaya qarşı uzaqmənzilli zərbələrimizə qoyulan məhdudiyyətlər aradan qaldırılmalıdır