Nyu-Yorkun COMEX əmtəə birjasında qızıl fyuçerslərinin qiyməti (İyun ayında çatdırılma - Qeyd) 30 mart 2026-cı ildən bəri ilk dəfə troya unsiyası üçün 4500 dollardan aşağı düşüb.

"Report" xəbər verir ki, qızılın qiyməti 1,43% azalaraq 1 troy unsiyası üçün 4496,7 dollar olub.

Yaxın Şərqdəki münaqişənin tam bitməməsi səbəbindən neft qiymətlərinin bahalaşması, inflyasiyanın artacağı ilə bağlı narahatlıqlar, faiz dərəcələrinin daha uzun müddət yüksək qalacağına dair gözləntilərin qızılın qiymətinə mənfi təsir edəcəyi ehtimal edilir.

Bundan başqa gümüş fyuçerslərinin qiyməti də 5 may 2026-cı ildən bəri ilk dəfə olaraq troy unsiyası üçün 75 dollardan aşağı düşüb. Belə ki, gümüşün qiyməti 4,14% azalaraq troy unsiyası üçün 74,33 dollara satılıb.

Oxşar xəbərlər

Qızıl fyuçerslərinin qiyməti düşməkdə davam edir

Qızılın qiyməti apreldən bəri ilk dəfə bir troy unsiyası üçün 3,5 min dolları ötüb

Qızılın qiyməti hər troya unsiyası üçün 3330 dollardan aşağı düşüb

"Comex" birjasında gümüşün qiyməti 90 dolları ötüb

Qızılın qiyməti 5 000 dolları keçdi