Almaniyanın gələcək kansleri Fridrix Merts hesab edir ki, ABŞ Prezidenti Donald Trampın tarif siyasəti qlobal maliyyə böhranı riskini artırır. O, bu təhlükələrin aradan qaldırılması üçün əsas variantları açıqlayıb.

APA xəbər verir ki, bu barədə o, "Handelsblatt" qəzetinə müsahibəsində bildirib.

Transatlantik azad ticarət sazişinin təşviqi

Fridrix Merts, Trampın tarif siyasətinin maliyyə böhranı riskini artırdığını vurğulayaraq, ABŞ və Avropa ölkələri arasında azad ticarət sazişinin bağlanmasını təklif edib. O, "Bəli, mən yeni transatlantik azad ticarət sazişinə ümid edirəm. Bütün məhsullara sıfır tariflər tətbiq edilsin. Bu, hər iki tərəf üçün daha yaxşı olardı" deyə bildirib.

Avropanın üçüncü ölkə bazarlarına yönəlməsi

Fridrix Merts əlavə edib ki, əgər ABŞ qlobal ticarətdən tamamilə çəkilmək qərarına gələrsə, Avropa üçüncü ölkə bazarlarına yönəlməlidir. "Prezident Trampın siyasəti növbəti maliyyə böhranının gözləniləndən daha tez baş verməsi riskini artırır. Biz, avropalılar, inandırıcı bir cavab verməliyik" deyə o qeyd edib.

Oxşar xəbərlər

Fridrix Merts: Trampın siyasəti yeni maliyyə böhranı riskini artırır

Merts: Ukraynanın Aİ və NATO-ya üzvlüyü üçün müharibənin bitməsi əsas şərtdir

Merts: Almaniyanın yeni hökuməti mayın 6-da fəaliyyətə başlaya bilər

Merts: Tramp-Zelenski mübahisəsi qəsdən edilmiş gərginlik idi

Şolts seçkidə məğlubiyyətini etiraf edərək rəqibi Fridrix Mertzə təbrik ünvanlayıb