Merts: Almaniyanın yeni hökuməti mayın 6-da fəaliyyətə başlaya bilər

Almaniyanın gələcək kansleri Fridrix Merts bildirib ki, yeni hökumət 6 may tarixindən fəaliyyətə başlaya bilər.

APA xəbər verir ki, o, bu barədə "Handelsblatt" nəşrinə verdiyi müsahibədə danışıb.

Mertsin sözlərinə görə, yay tətilinə qədər hökumətin təxminən iki ay vaxtı olacaq və bu müddət ərzində bir sıra vacib məsələlərin sürətlə həllinə nail olunmalıdır:

“İnsanlar hiss etməlidirlər ki, ölkədə həqiqətən də dəyişiklik baş verir”.