Avropa İttifaqı (Aİ) Gürcüstan QHT-lərinə 120 milyon avro yönəldəcək.

APA-nın Tbilisi müxbiri xəbər verir ki, bu barədə Aİ-nin xarici siyasət rəhbəri Cozep Borel Xarici İşlər Şurasının iclasından öncə açıqlamasında deyib.

Borell həmçinin hökumətə yönəldilməsi nəzərdə tutulan 100 milyon avrodan çox məbləğin dondurulmasını təklif etdiyini qeyd edib. O, Aİ-nin xarici işlər nazirləinin bugünkü iclasında Gürcüstanla bağlı konkret qərarlar qəbul ediləcəyini vurğulayıb.

“Gürcüstan bu gün hamının müzakirə mövzusu olacaq. Konkret qərarlar veriləcək. Mənim təklifim odur ki, hökumətə gedən bəzi mühüm proqramları dəstəkləməyi dayandıraq. Söhbət 100 milyon avrodan çox puldan gedir ki, bu da dondurulacaq və hökumətin əvəzinə vətəndaş cəmiyyəti sektoruna yönəldiləcək. Biz bu pulu, təxminən 120 milyon avronu ədalətli seçkilər uğrunda apardıqları mübarizəyə dəstək vermək məqsədilə vətəndaş cəmiyyəti təşkilatlarına yönəldəcəyik. Avropa İttifaqının gürcü xalqına dəstəyi davam edəcək. Avropa İttifaqına üzvlük prosesi Gürcüstan hökuməti Aİ yoluna qayıdana qədər dayandırılıb. Bunun üçün çox şey dəyişdirilməlidir. Eyni zamanda, hökumətə ayrılan pulları da öz azadlığı uğrunda mübarizə aparan xalqa dəstək üçün istifadə edəcəyik”, - Borel bildirib.

Oxşar xəbərlər

Aİ Şurası Ermənistana 10 milyon avro yardım ayrılması ilə bağlı qərarı təsdiqləyib

Ermənistanın müdafiə qabiliyyətinin gücləndirməsinə Avropa Sülh Fondundan 10 milyon avro ayrılması müzakirə olunacaq

Avropa İttifaqı Livan üçün 500 milyon avro ayırıb

Rusiya XİN Avropa Sülh Fondundan Ermənistana 10 milyon avro ayrılmasına münasibət bildirib: Bu, əslində, müharibə fondudur

Aİ-nin XİN başçıları Gürcüstanı müzakirə edəcək