Ukrayna ordusu Donetsk vilayətinin Novoazovsk rayonu yaxınlığındakı avtomobil körpüsü, həmçinin Luqansk vilayətində yerləşən iki dəmir yolu körpüsünə zərbə endirib.

Sizinxeber.az xəbər verir ki, bu barədə Ukrayna ordusunun Baş Qərargahı “Telegram” kanalında məlumat yayıb.

Məlumata görə, Rusiya ordusu bu obyektlərdən şəxsi heyətin, silah-sursatın və maddi-texniki vasitələrin daşınması üçün istifadə edib.

Zərbələrin nəticələri dəqiqləşdirilir.

Bundan başqa, Luqansk vilayətinin Novosvitlivka yaşayış məntəqəsi yaxınlığında Rusiya ordusuna məxsus maddi-texniki təminat anbarı vurulub.

Həmçinin Zaporojye vilayətinin Qulyaypole, Rusiyanın Kursk vilayətinin Tyotkino və Donetsk vilayətinin Baxmut rayonlarında Rusiyaya məxsus üç pilotsuz uçuş aparatı (PUA) idarəetmə məntəqəsi, eləcə də Donetsk vilayətinin Velikaya Novosilka rayonu yaxınlığında radioelektron mübarizə bölməsinin idarəetmə məntəqəsi zərbəyə məruz qalıb.

Oxşar xəbərlər

Ukrayna ordusu Moskva vilayətində kosmik rabitə mərkəzinə dron zərbəsi endirib

Ukrayna Rusiyaya məxsus gəmilərin idarəetmə məntəqəsini vurub

Ukrayna ordusu "Kaspiysk" ərazisində "Karakurt" raket gəmisinə zərbə endirib

Donetskin Krasnıy Yar yaşayış məntəqəsi Rusiya ordusunun nəzarətinə keçib

Rusiya ordusu Ukraynanın Donetsk və Xarkov vilayətlərində yaşayış məntəqələrini ələ keçirib