Ukrayna Müdafiə Qüvvələri aprelin 21-də və 22-nə keçən gecə Rusiya qoşunlarının bir sıra mühüm obyektlərinə, o cümlədən müvəqqəti ilhaq edilmiş Sevastopolda Rusiya Qara Dəniz Donanmasının gəmilərinin hərəkətini idarəetmə məntəqəsinə zərbələr endirib.

"Report" xəbər verir ki, bu barədə "RBK-Ukrayna" Ukrayna Silahlı Qüvvələri Baş Qərargahına istinadən məlumat yayıb.

Hərbi qurumun məlumatına görə, hücum nəticəsində Qara Dəniz Donanmasının hərbi gəmilərinin hərəkətini idarə edən "Streletskiy" məntəqəsi vurulub.

Həmçinin Rusiyanın Kursk vilayətinin Korovyakovka və Tyotkino yaşayış məntəqələri ərazilərindəki pilotsuz uçuş aparatlarının (PUA) idarəetmə məntəqələrinə və Ukraynanın Xarkov vilayətinin Dobrolyubovka ərazisindəki "Molniya" PUA idarəetmə məntəqəsinə zərbələr endirilib.

Bundan başqa, Ukrayna Rusiyanın Belqorod vilayətinin Vyazovoye yaşayış məntəqəsi ərazisindəki Rusiya bölməsinin idarəetmə məntəqəsini vurub.

Həmçinin Ukraynanın Donetsk vilayətinin müvəqqəti işğal olunmuş ərazisindəki Uyutnoye və Rusiyanın Belqorod vilayətindəki Vısokoye yaxınlığında yerləşən Rusiya qoşunlarının komanda-müşahidə məntəqələrinə zərbələrin endirildiyi də bildirilir.

Oxşar xəbərlər

Baş Qərargahı: Ukrayna Müdafiə Qüvvələri Rusiya aerodromlarına zərbələr endirib

Ukrayna ordusu Rusiyanın 150 milyon dollarlıq iki desant gəmisini vurub

Rusiya Xarkov, Xerson və Sumını bombalayıb, 13 nəfər yaralanıb

Rusiya Xarkov və Zaporojye vilayətlərinə zərbələr endirib, ölən və yaralananlar var

Rusiya ordusu Ukraynanın Xarkov vilayətinin Krasnoe Pervoye yaşayış məntəqəsini ələ keçirib