Avropa İttifaqı (Aİ) Şurasının sədri Antoniu Koşta ABŞ Prezidenti Donald Trampın Avropa liderləri ilə avqustun 13-də Ukrayna ilə bağlı təşkil etdiyi onlayn konfransda həmsöhbətlərinə çatdırdığı üç əsas bəndi qeyd edib.

"Report"un "Avropa Həqiqəti" nəşrinə istinadən məlumatına görə, bu barədə Koşta Fransa Prezidenti Emmanuel Makronla birgə mətbuat konfransında bildirib.

Koşta və Makron Fransa Prezidentinin iqamətgahlarından birində ABŞ və Avropa liderləri ilə danışıqlarda birgə iştirak etmək üçün görüşüblər.

"Prezident Tramp bizimlə çox vacib üç məqsəd bölüşdü. Birincisi, atəşkəsdir", - deyə Koşta bildirib.

Aİ Şurasının sədri ikinci bənd kimi ABŞ-nin "Ukraynadan başqa heç kimin Ukrayna məsələləri üzrə danışıqlar apara bilməz" mövqeyini vurğulayıb.

"Üçüncü element - Ukrayna üçün uzunmüddətli və ədalətli sülh əldə edildikdə ABŞ-nin Avropa ilə təhlükəsizlik şərtlərinin gücləndirilməsi səylərini bölüşməyə hazır olmasıdır", - Koşta qeyd edib.

Oxşar xəbərlər

Antonio Koşta: Aİ-nin gələcək üzvü kimi Ukrayna ilə çiyin-çiyinə dayanmağa davam edəcəyik

Antonio Koşta: Ukrayna və Moldovanın gələcəklərinin Avropa İttifaqında olacağına şübhə yoxdur

Aİ Şurasının Prezidenti: Ukraynanın yanında olacağıq

Koşta: Bizə Ukraynada davamlı sülhü təmin edəcək bir razılaşma lazımdır

Aİ Ukraynaya yardım və təhlükəsizlik zəmanəti ilə bağlı məsləhətləşmələrə başlayıb