Almaniya kansleri Fridrix Merz bildirib ki, Serbiya Avropa İttifaqına üzv olmaq istəyirsə, Rusiya, Çin və Avropa arasında balanslaşdırma siyasətindən əl çəkməlidir.

APA xəbər verir ki, o, bu barədə Monteneqroda keçirilən Aİ–Qərbi Balkanlar sammitinin yekunlarına dair mətbuat konfransında danışıb.

“Rusiya, Çin və Avropa arasında manevr siyasəti yürütmək mümkün deyil”, – deyə Merz bildirib.

Kanslerin sözlərinə görə, Serbiya gələcəyini harada gördüyünə dair aydın seçim etməlidir.

“Əgər Serbiyanın cavabı Avropadırsa, Avropanın cavabı da Serbiya olacaq”, – deyə o vurğulayıb.

Merz əlavə edib ki, Aİ liderləri Serbiya Prezidenti Aleksandar Vuçiçlə görüşdə bu gözləntiləri açıq şəkildə onun diqqətinə çatdırıblar.

Oxşar xəbərlər

Merz: Avropa Rusiya ilə Ukraynaya dair danışıqlara hazırdır

Merz ABŞ hərbçilərinin Almaniyadakı gələcəyini Trampla müzakirə etmək niyyətindədir

Fridrix Merz ilk turda Almaniya kansleri seçilmək üçün kifayət qədər səs toplaya bilməyib

Vuçiç: Serbiya ABŞ ilə əməkdaşlıq etmək niyyətindədir

Merz: Rusiyanın Ukraynada qalib gəlmək şansı yoxdur