Kurskda baş verənlərin əsas səbəbi Rusiyanın təcavüzkar siyasəti ilə bağlıdır.

APA xəbər verir ki, bu barədə Ukrayna Prezident Ofisinin rəhbərinin müşaviri Mixail Podolyak "X" hesabında bildirib.

"Hər hansı eskalasiya, atəş, hərbi əməliyyatlar, məcburi evakuasiya və normal həyatın məhv edilməsinin əsas səbəbi, həmçinin bunun Rusiya Federasiyasının öz ərazilərində - Kursk və Belqorod bölgələrində baş verməsi yalnız Rusiyanın birmənalı təcavüzüdür. Bu xarici əraziləri ələ keçirmək cəhdlərini, suverenliyi və ərazi bütövlüyünü açıq şəkildə müdafiə edən beynəlxalq hüquq normalarına məhəl qoymamağı ehtiva edir.

“Rusiyanın özünü məhv etməsi” konsepsiyasının arxasında duran memar hamıya məlumdur – bu Putinin özüdür. Ona görə də nəticələr aydındır... Rusiya daima hesab edir ki, məhdudlaşdırıcı hüquq normaları ona şamil olunmur, beləliklə, o, qonşu ölkələrin ərazilərinə cəzasızlıqla hücum edə və riyakarlıqla... öz ərazisinin toxunulmazlığını tələb edə bilər. Lakin müharibə müharibədir və onun qaydaları var, təcavüzkar qaçılmaz olaraq müvafiq nəticələrlə üzləşir...", Podolyak bildirib.

Oxşar xəbərlər

Rusiya MN: Ukrayna ordusunun Kursk vilayətində irəliləməsi dayandırılıb