İranın sabiq Ali Rəhbəri Ayətullah Seyid Əli Xamenei vida mərasimindən sonra Məşhəd şəhərində dəfn olunacaq.

APA-nın Tehran bürosunun məlumatına görə, Tehran Şəhər Bələdiyyəsi sədrinin müavini Məhəmmədəmin Tovəkkolizadə bildirib ki, iyunun ortalarında İranın sabiq Ali Rəhbəri ilə vida mərasimi üçün 3 günlük proqram hazırlanır.

O bildirib ki, Tehranda keçiriləcək vida mərasiminin bir gün davam edəcəyi gözlənilir, bundan sonra Xameneinin nəşi Qum şəhərinə, daha sonra isə Məşhədə aparılacaq.

Sədr müavini Tehranda vida mərasimində 15-20 milyon insanın iştirak edəcəyinin gözlənildiyini vurğulayıb.

Məhəmmədəmin Tovəkkolizadə qeyd edib ki, İranın sabiq Ali Rəhbəri vəsiyyətinə uyğun olaraq, Məşhəddə İmam Rza türbəsində dəfn olunacaq.

Xatırladaq ki, Seyid Əli Xamenei 28 fevralda ABŞ və İsrailin Tehrana birgə hücumu zamanı yaxın ailə üzvləri ilə birlikdə öldürülüb. Daha sonra onun yerinə oğlu Müctəba Xamenei seçilib.

Oxşar xəbərlər

Tehranda Həsən Nəsrullah ilə vida mərasimi keçirilir

Ənvər Həsənovla vida mərasimi keçirilib

Birinci Qarabağ müharibəsində itkin düşən Elşən Tağıyevin nəşinin qalıqları Salyanda dəfn olunub - FOTO

Xamenei İsraili sərt cavabla hədələyib

Xamenei: Müharibələr ABŞ və Avropa ölkələri bölgəmizi tərk edəndə bitəcək