Pentaqon etirazlara görə Los-Ancelesə 700 dəniz piyadasını göndərəcək

ABŞ Müdafiə Nazirliyi etirazlar və iğtişaşlar səbəbilə Los-Ancelesə Dəniz Piyadaları Korpusunun 700-ə yaxın hərbçisini göndərəcək.

Sizinxeber.az xəbər verir ki, bu barədə ABŞ Şimal Komandanlığının dərc etdiyi bəyanatda deyilir.

Sənədə əsasən, dəniz piyadaları Los-Ancelesdə və onun ətraflarında federal xidmət və departament əməkdaşlarının, habelə dövlət əmlakının təhlükəsizliyinin təmin edilməsinə yardım edəcək.