Bill Qeyts sərvətinin böyük hissəsini Afrikanın inkişafına sərf etməyi planlaşdırır

"Microsoft"un qurucusu Bill Qeytsin sərvətinin ən böyük hissəsi Afrikaya çatacaq.

APA xəbər verir ki, o, bu barədə Afrika İttifaqının mənzil-qərargahında çıxışı zamanı bildirib.

"Mən bu yaxınlarda söz vermişdim ki, sərvətim növbəti 20 il ərzində paylaşdırılacaq. Bu maliyyənin əsas hissəsi Afrikadakı problemlərin həllinə kömək etmək üçün xərclənəcək. Vəsait Bill və Melinda Qeyts Fondu vasitəsilə ayrılacaq", - deyə o bildirib.

Qeyts 2045-ci ilə qədər bu fondun müxtəlif layihələrin maliyyələşdirilməsinə 200 milyard dollar yönəldəcəyini açıqlamışdı.