Tramp administrasiyası tələbə vizalarının verilməsi üçün müsahibələri müvəqqəti dayandırıb

ABŞ Prezidenti Donald Trampın administrasiyası yeni tələbə vizalarının verilməsi məqsədilə keçirilən müsahibələri müvəqqəti olaraq dayandırıb.

APA xəbər verir ki, bu barədə "Politico" qəzeti məlumat yayıb.

Nəşrin mənbələrə istinadla bildirdiyinə görə, bu addım xarici tələbələrin sosial şəbəkə hesablarının məcburi yoxlanılması imkanlarının nəzərdən keçirilməsi ilə bağlıdır.

Qeyd olunur ki, Tramp administrasiyası Birləşmiş Ştatlarda təhsil almaq üçün müraciət edən bütün xarici tələbələrin sosial şəbəkələr üzrə yoxlanışdan keçməsini tələb edən yeni qaydanın tətbiqini nəzərdən keçirir.

Bu planın həyata keçirilməsi çərçivəsində ABŞ səfirliklərinə və konsulluqlarına yeni tələbə vizası müraciətləri üçün müsahibələrin planlaşdırılmasını müvəqqəti dayandırmaq göstərişi verilib.