Fond sədri: 3 il ərzində 46 minə yaxın tələbə təhsil krediti müqaviləsi rəsmiləşdirilib

"3 il ərzində 23 ailədə valideyn və övladlarla da daxil olmaqla, ümumilikdə 69 nəfərin, 1069 ailədə isə 2 nəfər, ümumilikdə 2318 nəfər tələbə adı qazanaraq tələbə təhsil krediti götürüb".

APA xəbər verir ki, bunu Təhsil Tələbə Krediti Fondunun İdarə Heyətinin sədri v.m.i.e. (müvəqqəti icra edən) Bəhruz Əzimov Fondun 3 illik fəaliyyətinə dair keçirilən media brifinqdə deyib.

O həmçinin bildirib ki, TTKF-nin elektron portalına üç il ərzində 58 mindən çox müraciət daxil olub, 46 minə yaxın TTK müqaviləsi rəsmiləşdirilib:

"Bu məqsədlə 41 milyon manata yaxın vəsait təhsil müəssisələrinin hesablarına köçürülüb".