Ağ Ev: Tramp Uitkoffa İranla fikir ayrılıqlarını dialoq yolu ilə həll etməyi tapşırıb

ABŞ Prezidenti Donald Tramp xüsusi nümayəndə Stiv Uitkoffa İranla fikir ayrılıqlarının mümkünsə dialoq yolu ilə həll edilməsi barədə göstəriş verib.

Sizinxeber.az xəbər verir ki, bu barədə Ağ Evin ABŞ-İran danışıqları barədə bəyanatında deyilir.

Ağ Ev danışıqları çox müsbət və konstruktiv adlandırıb.

Vurğulanıb ki, Uitkoff ABŞ-ın Omandakı səfiri Anna Skrzyma ilə birlikdə şənbə günü Maskatda Abbas Araqçi ilə görüşüb və danışıqlar aparıb.

Qeyd edilib ki, ABŞ və İran arasında birbaşa danışıqlar qarşılıqlı faydalı nəticəyə doğru bir addım olub.

“ABŞ-ın baş müzakirəçisi Stiv Uitkoff İran xarici işlər naziri Abbas Araqçiyə bildirib ki, Trampdan iki xalq arasındakı fikir ayrılıqlarını əgər mümkünsə dialoq və diplomatiya yolu ilə həll etmək üçün göstərişlər alıb.

Bu məsələlər çox mürəkkəbdir və Uitkoffun bu gün birbaşa əlaqəsi qarşılıqlı faydalı nəticə əldə etmək üçün irəliyə doğru bir addım idi", - bəyanatda qeyd olunub.

Qeyd edilib ki, tərəflər gələn şənbə günü yenidən görüşmək barədə razılığa gəliblər.