“Altıncı nəsil F-47 döyüş təyyarəsinin hazırlanması ilə bağlı müsabiqədə “Boeing” qalib gəlib.”

APA xəbər verir ki, bunu ABŞ prezidenti Donald Tramp açıqlayıb.

"F-47 indiyə qədər istehsal edilmiş ən qabaqcıl, ən bacarıqlı və ən ölümcül təyyarə olacaq. Təyyarənin eksperimental versiyası təxminən 5 ildir ki, gizli şəkildə uçur və biz əminik ki, bu, digər dövlətlərin imkanlarından çox üstündür", - o bildirib.

Xatırladaq ki, martın 21-də Trampın NGAD (Next Generation Air Dominance) kimi tanınan yeni nəsil döyüş təyyarəsi üçün ən azı 20 milyard dollarlıq müqavilə ilə bağlı Pentaqonun qərarını açıqlayacağı gözlənilirdi.

Qeyd edək ki, son illərdə “Boeing” və “Lockheed Martin” kimi nəhəng şirkətlər təyyarənin hazırlanması üzrə müqavilə üçün yarışırdı. Digər nəhəng şirkət “Northrop Grumman” isə 2023-cü ildə yarışdan çıxdığını açıqlamışdı.

NGAD layihəsi çərçivəsində hazırlanan təyyarənin F-22 Raptoru əvəz edəcəyi və pilotsuz uçuş aparatları ilə birlikdə istifadə ediləcəyi gözlənilir.

Oxşar xəbərlər

Pentaqon yeni təyyarə sifarişi üçün 3,5 milyard dollar xərcləyəcək

ABŞ ballistik raketlərinin istehsalı üçün 2,1 milyard dollar ayırıb

Jurnalistlər təyyarənin sükanı arxasında: Azərbaycandan ABŞ-ə virtual səyahət - FOTO

ABŞ GMLRS raketlərinin istehsalı üçün “Lockheed Martin” şirkəti ilə müqavilə imzalayıb

Azərbaycanda yeni nəsil PUA-lar istehsal edilib - FOTO